裝修（二）

這個星期開始好緊迫去收拾，

又要去找厨房公司做厨房，揾搬屋公司搬屋啦！



同好多其它東西要攪。

我29號便搬去新屋暫住，寬頻上網要31號才上

來安裝，可能有好幾天不能上網，等可以上網

才和大家分享裝修情況，拜拜

心在痛

這幾天在家收拾時，特別想念我丈夫，原是一個幸福的家，

為何要把他帶走，他平時身體好健康，每天都有做運動，

得病後10個月便離去。

有時問個天，我究竟做錯什麽，要將我倆拆散，

這麽快把他帶走。

睇樓

早前決定裝修後，便開始找裝修公司打價，又要想吓怎樣裝修，

最煩就係揾短租地方住，揾咗成個月都沒人放短租。

前幾天有朋友介紹一個租盤，今早打電話約好，

黄昏去看樓，放下電話才想起要一個人去睇樓，

心裏有点害怕，便想起如果丈夫還在，

我便不用如此担心，樣樣都有他相陪，

任何事我都不用太粗心，多幸福呢？



下午一直都好唔開心，但始終都要去睇樓，唯有打電話找朋友相伴。

唔知係咪個天玩我，揾咗幾個朋友個個都唔得閒，

唯有自己去睇啦。約好咗個業主，但他又突然來電，

話要遲半小時才到，便走到地產公司問吓，

幾間都話冇，如有都好貴，真係咁渴市？


等到業主來到，上去睇樓，單位好細但勝在新裝修，都要6400元租，

個房無冷氣，但業主話會幫我裝一個，

我話要9月才開始起租，業主話無問題，

覺得幾好又近我住處，便決定租下，明天開始便要將

家中物件收拾裝箱，希望這兩個星期可執拾好，將單

位交給裝修公司，便要開始忙其它東西了

金曲娛樂真經典演唱會

昨晚維維帶我去睇演唱會，7時半就到達紅磡火車站。

我們便去小魚滋味吃晚飯，發覺附近吃飯多數也都是準備去看演唱會的。

人實在太多，匆匆吃過晚飯便趕入場。


看的是金曲娛樂真經典演唱會，唱的全是舊歌和經典金曲，

入場的大部份都是一把年紀的人

當晚演唱的有麥潔文，仙杜拉，謝雪心，汪明荃，鄭少秋，

張德蘭，關菊英，伍衛國，華娃等等…

我們坐在第二行睇得好清楚，

每個歌星都行到台前和觀眾握手，很多歌迷都湧上前，

老歌金曲真的好好聽，也好有氣氛。