完成後面貌

裝修後的新環境，十分舒服

芝華仕梳化

廳燈

茶几

書檯

裝修廚房

當初預備裝修前做了很多準備工夫，曾上網留意有那些有好評的廚柜公司，

可惜網上相關的評論不多，所以便連續數星期到旺角，

與數間廚柜公司打價及後作比較，最後撰擇了美廚工作室。

找廚柜公司做廚柜的原因很簡單，就是美觀及價錢。

廚柜公司設計既美觀又實用，價錢又相對便宜，

與裝修公司打價相比便宜了三十巴仙，

所以便決定撰用。落了訂金後美廚很快便把電腦設計圖樣電郵給我，

圖樣可按照你的要求作多次更改，他們亦給予很多專業意見，

到設計滿意才落實。

三星期後便安裝廚柜，效果很好，手工亦好。至安裝枱面後，

師傅便來安裝抽油煙機，師傅態度亦好。

廚柜有其中一隻門撞花了，師傅看了便承諾更換，我心想需要等

候一段時間吧，怎料三四天後便換好了，服務態度一流，

值得一讚，我覺得他們很專業，服務又好，

值得介紹給朋友。

裝修（９）

昨天好忙沒上去看裝修，今天早上便去看看情况，

所有柜門已上好，但鞋柜個對門師傅訂回來後，

發覺同我柜身木色不同，所以要師傅去退貨，

浴室洗面盆柜已做好，都好靚，昨天已開始

批盪，已做了一層，師傅話要做三層，再

磨好才上乳膠漆，我就選擇咗ICI多樂士

金裝全效牆面漆 (A939) 雪中色彩

多樂士金裝全效牆面漆擁有齊全的卓越功能

洗手盆還未裝上

鞋柜門木色相距太遠要退貨

裝修（8）浴室

昨天又去旺角買鏡箱、洗頭水架，厨房調味豉油架、

差不多所有東西都買齊了。

中午上去師傅已安裝好，假天花同厨房架，厠所也裝好水喉花灑，

企缸都裝好了，還欠洗手盆同柜，見傢俬都做到七七八八了，

今曰已將棚架拆除，師傅話明天開始批盪，希望好快攪掂。

企缸

假天花裝咗抽氣扇

衣柜放滿師傅工具

鞋柜都裝好欠門

書柜上層

書枱

裝修（七）厨房

等待了整整一個多月，昨晚廚柜終於送到。今天早上十一時師傅便

開始安裝廚柜，下午三時半安裝完成後可麗耐便到來度尺，

一星期後才來安裝枱面。

廚柜裝好後，師傅隨即開始安裝抽油煙機，但發現機身油裂了，

於是聯絡教協要求更換，需等侯二三天。煤氣煮食爐下午也送來了，

當檯面做好便可一同安裝。

廚柜安裝完成後非常美觀！

厨柜

裝修（六）

裝修已進行了個多月，現已到了最後階段。數天前師傅開始做傢俬，

雜物柜、鞋柜、床及書柜都造好了一部份，全都造得很堅固，

師傅的手工亦很熟練，相信數天後便能完成。

新大門已裝上，而廚柜於下星期送貨，但枱面因船期問題缺貨，

要多兩三星期才能安裝，希望可以快点完成。

昨天去了教協，訂了惠而浦抽油煙機及三星牌40吋電視機，

價錢比市面便宜很多。

星期日會到旺角買電制面、厨房掛通及訂造窗簾布，

希望兩星期後便大工告成了！

裝修（五）

裝修已做咗一個月了，每天都有去看裝修進度，

鋁窗己裝好，厨房，厠所，露台已經做好牆磚

同地磚，門造好送來了，大門、厠所同走廊都

裝上門框，望去都覺得幾靚。

昨天星期六，中午又和維維‧積琦蓮到旺角，

約咗裝修師傅去揀料做傢俬，好快就揀到我

想要的木料，跟著就去訂廳燈同房燈，又買了水喉

花洒，因太重便回家。

還有很多東西要買，今午又要再出去買，攪到

兩個仔女個個星期日都好疲倦，有点過意不去，

但沒法啦！要用合心意嘅嘢，一定要自己去揀，

應該今日都差不多可買齊了，還有些濕碎嘢我

自己再去買，希望好快可完成。

裝修（四）

這數天日日為裝修馬不停蹄到旺角選料。

早幾天去了廚柜公司做廚柜，檯面選用美國杜邦出品的可

麗耐（corian）人造石面，顏色選了光色系列的南極，全個檯

面連原裝盆做到無縫效果，美觀衛生，還有十年保用。

星期一下午維維請假半天，約好師傅一齊去買裝修材料。

一到旺角先到磁磚公司，訂好了磁磚便再去看大門及房門，

原本大門同房門想選用薰衣草纖維木，因顏色好特別同好

有新鮮感。可惜因纖維木用特別技術壓成，所以沒法做到

原木層次感，門框不好看，因此決定放棄，再選其它。

今天自己又去旺角買門，最終大門選用了胡桃木，房門選



用白橡木，希望做出來效果會滿意。



大門用非洲胡桃木，影得唔好反光

房門白橡木

門框

裝修（三）

星期一將單位交給裝修公司，第二天己經有工人開工，

效率都好似幾快，昨天回去看看，見牆身同天花開始

動工，師傅話會搭排拆窗，等明天才回去看。

星期六同積琦蓮、維維去旺角揀磁磚，木門，同做

櫃面料，行了一個下午揀到頭暈暈，花多眼亂，

還是揀不到合心水的，星期一自己再去揀過，

還要買梳化，廳燈房燈，水喉同洗手間用品，有很多

東西要去訂。

裝修（二）

這個星期開始好緊迫去收拾，

又要去找厨房公司做厨房，揾搬屋公司搬屋啦！



同好多其它東西要攪。

我29號便搬去新屋暫住，寬頻上網要31號才上

來安裝，可能有好幾天不能上網，等可以上網

才和大家分享裝修情況，拜拜

睇樓

早前決定裝修後，便開始找裝修公司打價，又要想吓怎樣裝修，

最煩就係揾短租地方住，揾咗成個月都沒人放短租。

前幾天有朋友介紹一個租盤，今早打電話約好，

黄昏去看樓，放下電話才想起要一個人去睇樓，

心裏有点害怕，便想起如果丈夫還在，

我便不用如此担心，樣樣都有他相陪，

任何事我都不用太粗心，多幸福呢？



下午一直都好唔開心，但始終都要去睇樓，唯有打電話找朋友相伴。

唔知係咪個天玩我，揾咗幾個朋友個個都唔得閒，

唯有自己去睇啦。約好咗個業主，但他又突然來電，

話要遲半小時才到，便走到地產公司問吓，

幾間都話冇，如有都好貴，真係咁渴市？


等到業主來到，上去睇樓，單位好細但勝在新裝修，都要6400元租，

個房無冷氣，但業主話會幫我裝一個，

我話要9月才開始起租，業主話無問題，

覺得幾好又近我住處，便決定租下，明天開始便要將

家中物件收拾裝箱，希望這兩個星期可執拾好，將單

位交給裝修公司，便要開始忙其它東西了