今天早上九時趕到醫院，因今天我老公腫瘤科覆診
醫院昨天約佐我九時半到達病房，陪我老公到腫瘤科覆診
今天醫生幫佢減類固醇，由每日 4mg減至 2mg
因為最近佢個胃唔多舒服，因吃類固醇所致
醫生話希望盡快減藥，胃口就會好轉
這幾天他精神好佐，但就胃口差佐
中午到復康店，買佐罐裝即飲加營素
不用自己冲，揭蓋即飲好方便可多飲幾罐
增加營養希望過多幾天，便可出院回家
在家可小吃多餐，希望他體重能夠回升
2009年10月1日 星期四
最近病況（２）
9月10日開始第一次電療，當天回家十分疲倦，電療到17号完結，共電五次
當電療完成後，覺得他精神好好，見他手腳好像回復正常，未電療前他拿不到
碗吃飯，和洗面不能把毛巾 整乾，電療後都可以，左眼也回復正常
可看見旁邊東西，但體重還沒回升。
9月21日腫瘤科覆診，可能留在醫院太長時間，上午9.30分等到12.30分才拿
完藥回家，因那天醫生幫他減類固醇每日由 8mg 減到4mg ，但在藥房拿藥時
變佐每日吃 2 mg ，回家後中午就開始身體不適，不知是否在醫院被傳染到病菌
第二天開始有小小咳，又可能類固醇減得太急，令到他不適，便打電
話給護士，她建議吃回每天4 mg 和叫 25號去睇醫生，但睇醫生當天身體
又沒不適，到26號有小小發燒，到下午又沒有了，但到27號又有小小燒同咳，
便帶他到醫院看急症，醫院即刻同佢照肺和要留院，醫生話個肺可能
發炎，留院兩天在30號出院回家，昨晚發燒又回了醫院，原本身體未
覆診時好好精神，但這個星期不適，個人就又弱佐小小，在醫院又吃得小
又不合胃口，佢個人又懶連奶不願 冲來飲，在家一天我會沖四次奶給他飲，
真係好擔心，留院期間都有繼續飲褐藻糖膠，希望再多些時間可以見到好效果
2009年9月30日 星期三
最近病況（１）
最近好多病友都想知道，我老公飲佐海藻褐藻糖膠後情况，現將最近情況寫出
8月19日做佐磁力共振，照到腦裹有個腫瘤，而不能做手術，佢當時情况左手
和左腳都不能控制，左眼看不到旁邊東西，祇看到前面，身體好弱，每次起
來都要人幫才可，醫生祇給他每天吃 4 mg類固醇，同胃藥，我便去問醫生，
如無任何其它治療方法，我希望出院回家自己照顧佢，但醫生話要等腫瘤科
睇完才出院，腫瘤科睇完就話可做電療五次，約了 9月1日去放射部
定位做電療，我便在8月 27號出院回家，住院期間醫生說己沒有其他方法
可幫到佢，於是我同仔女便決定用海藻褐藻糖膠，便打電話去訂日本（海の雫）
海藻褐藻糖膠，液體型， 4至 5 天後由日本付運到港，於8月29日
開始服用，每天飲四樽，分別在早‧午‧晚和睡前，而25 至 28日期間
亦有暫時服用其他海藻食品，因那時他還留院，我每天早午晚都拿去醫院給他飲.
回家後繼續服用海藻褐藻糖膠，同時醫生亦將類固醇份量由4mg 加至 8mg (醫生
說可暫時改善病情)，回家後頭一星期身體依然很弱，因一邊身無力，
每次起來都要人扶著才可行，做任何嘢都祗靠右手，9 月1日回醫院
放射部定位時，都要我兒子扶著才可行，醫生話 9月10日開始電療，
當時我便好煩腦，因我兒子二星期大假在 9月4日完結，
9月10日，我一個人怎可帶他去電療呢？女兒便決定9月10日開始放
一星期大假幫我，大約在 9 月7日他身體好像開始有力些，不用
我太出力去幫他，和自己可做回一些日常動作，到 9月10日那天，
要到醫院做電療時，他自己可以行，我祇在旁邊小心看顧便可 (因服用
海藻褐藻糖膠的同時類固醇亦加量, 未能確定好轉原因)..........（待續）
2009年9月21日 星期一
2009年9月18日 星期五
2009年8月15日 星期六
出院
今天早上九時醫院來電,叫我去接我老公出院
話因醫院病菌多,不適合留在醫院等做磁力共振
因為到今天還排不到期,，我都不知醫生究竟在做什麽
星期三醫生話，如果這兩天都沒期做力共振
便安排到私家做，但昨天醫院又建議我老公回家等消息
當時我在電話同護士講，我要見佐醫生才出院
但護士話幫我問醫生，轉頭打電話來是醫生同我講
話暫時還排唔到期，要再多兩星期才會有期
我便叫他幫我安排，到私家做磁力共振
但他堅持要我等，話佢幫我排緊，叫我不要浪費金錢
可能過多一二天便有位，早兩天也是這樣說
我感覺他在拖我，我都願意出錢到外面照
但他總是叫我先回家等，便收線，好激氣
剛好今天是星期六,我兒子放假便即時叫醒個仔
趕搭的士到醫院，要當面同醫生傾，剛到樓下接到醫院電話
問幾時來接我老公出院,我兒子便同護士說，醫生唔寫轉介信唔出院
我地要醫生,護士為有幫我地約醫生，我們便在病房門外等
大約半小時醫生便到，但都堅持叫我們等,但我地堅持要佢寫紙到私家照
他很不願意咁寫紙，護士便幫我訂時間和地点,私家做都周圍沒期
最後便揾到法國醫院,要十九號才有.醫院轉介就 5900元
做完力共振拿到片，22号回醫院覆診
2009年8月14日 星期五
2009年8月12日 星期三
入院
最近見老公身體一直都好易疲倦，同隻手有Ｄ唔妥
星期一便去看我家庭醫生（関醫生）,我將情況說給醫生聽
醫生叫我即刻入急症,等醫院同佢做電腦掃描
如果急症唔收,叫我回仁安揾醫生做掃描
聽完醫生講我個人簡直驚到手軟腳軟,即刻搭的士入急症室
同打電話給我兩個仔女，叫兩人趕到急症室找我們
去到急症室,將情況講給護士聽
因我老公有病歴在醫院,便即刻有醫生來看他
醫生檢查完畢,便說要驗血.同做電腦掃描
等到驗血同做完電腦掃描,便等見腦科醫生
腦科醫生檢查完畢,便說要入院做磁力共振
希望半夜可排到位幫他照,因我下午差不多六時才入急症
但星期二都排唔到位照,所以今天醫生便約佐我地傾吓病情
希望這兩天便可排到位照,如果都排唔到,便要轉介去私家做磁力共振
聽到醫生講我們便說要到私家照,但醫生說可能這兩天可排到
不要浪費金錢,等兩天都沒消息才轉介到私家照,那位醫生真好
等照佐才知什麼原因,因我老公沒有其他病徵,祇是隻手有問題
這兩天吃佐藥情況好佐Ｄ，這幾天真係好擔心
每天我都行唔安吃唔落,每天中午便拿湯到醫院給他喝
因公立醫院不能隨便出入，到十二点他便去醫院餐廳等我
到五時半才是探病時間，那時才到病房探他
2009年8月4日 星期二
2009年6月29日 星期一
2009年6月25日 星期四
2009年5月9日 星期六
2009年5月3日 星期日
昨天第一次入八鄉
昨天早上11時20分，便和老公出門入八鄉
搭火車到大埔64 Ｋ總站，時間已是12点5分
坐64Ｋ到達上村球場站，需時33分鐘
到達上村球場，時間己12点45分
落車後過對面球場，見好多條路都不知那絛才是
剛迎面而來一個男士，便問他可知精美花園在那裹
他說他也是去精美花園‧那個師兄好好人
帶我們到橋口，叫我們自己上去
因為他還早不能進去
到ｌ点半才可入去登記
昨天真的很多人，有成十幾人
我先生好快便登記好，在門口等Ｄ師兄教佢
我便到門口坐著等他放學，好熱好辛苦又多蚊
到 5 時他學完出來，問我可有見網友大陳
我說沒有，我跟本都未見過
最大的遺憾是不知哪位是網友大陳
希望多謝一聲，他不厭其煩咁把資料寫給我們
同希望分享吓佢練功心得
2009年4月27日 星期一
2009年4月21日 星期二
2009年4月13日 星期一
2009年4月11日 星期六
轉換地点
復活節假期前，我先生所有電療都完成，整個人都輕鬆了
原本每天五点半便出門，到我住地方後面郊野公園
做郭林氣功，但因早前下過雨，周圍好多蚊
前幾天常被蚊咬，我倆每人也有驅蚊機
因蚊太多， 蚊機也無辨法驅蚊 ，為有轉換地点
昨天午餐後，便到河邊試吓，由公園開始
沿河邊一路步行到馬會，大約一小時，空氣好好
因周圍都無汽車，又有海風隨隨吹來，好舒服
便決定今天由公園起步，行到馬會來回需約二小時
今天早上五点便出門，向河邊行去，天還未光
河邊做運動同跑步人好少，同圍環境好靜，空氣一流
我先生便由河邊開始，一路行郭林氣功，我便在後面一路跟著
行了大約二小時，我 双腿好疲倦，但我先生佢就好精神
大約七点便去稻香飲早茶，今天佢胃口好好
吃了 一碟腸粉和半盎排骨飯，還有紅棗糕，便回家了
2009年3月23日 星期一
看 中 医
我老公住院期間，我 買了好多有関癌症書回來參考
我 看過 郭岳峰 医師本著作 《戰勝腫瘤》，便同老公去找他看病
我老公由2月2日開始每星期便去看二次中医，
每天都要煲中藥，早晚都飲一碗，效果都幾好
而每天早上 5時半我便陪他去做郭林氣功
我見他行一小時己經好疲倦，但他都好勤力
每天都好有恆心咁做，見他精神好佐，
他自己睇書學，都唔知Ｄ位正唔正確
所以我便上D BLOG友問他們去那裹學
又想買郭林氣功 DVD回來給他看 吓
又見 blog友去八鄉學，他都想去學吓
2月6日見放射医生，醫生話要做30次電療
要在2月26日開始，由星期一至五做電療
到今日己做佐 18次了，他開始口好乾
郭醫師叫我用梨同蘋果煲水給他飲，效果幾好
胃口就比較差小小，但他又唔可以飲速癒素
因手術後對奶敏感，飲佐幾包都肚瀉
我都擔心佢唔夠營養，所以加蔬果汁
2009年3月21日 星期六
太穾然
2008年12月尾吃火煱後，第二天我老公嘔吐
2009年1日5日，我老公去照食道同胃發現食道有粒嘢
即時再去仁醫院照內窺鏡，證實係食道癌
便在仁安醫院揾鐘尚志教授同馮明杰醫生做手術，
因要開胸和腹，所以要兩個醫生做手術
手術在1月13日做，醫生話手術好成功，
手術後 住院 8日我都 24小時在醫院照顧佢
我老公復元得好快，1月22日已可出院
但鐘尚志教授話要做電寮，怕接駁位有癌細胞
寫佐封介紹信，轉介去威爾斯做電療，
出院後剛好過年，要在2月2日上午去威爾斯見腫瘤科醫生
約好2月6曰見放射醫生，抽血同定位
2月２日下午便到浸會大學中藥診所睇中醫
揾郭岳峰医師，佢係腫瘤專科
待續............
訂閱：
文章 (Atom)