新年願望

                                   

                      我前幾天係  yahoo 見到呢張畫覺得好靚‧便放上來給大家分享

                           希望個個人都富貴有魚，身體健康，一家人都開開心心

耐心等候

                                   這幾天個股市好悶，升又唔多跌又唔多

                                所有股票都等待做年結，所以都企係高位，

                                     又要耐心等候個市調整，再度入市

                                       但見大陸個市連跌7天，好似好差

                                          Ｄ內銀股又未到我心目中價位

                                      但報章Ｄ股票評股專家話個市己差不多 

                                              但我覺得都要多看幾天

                                              到新曆年後才有新路向

                                          都係耐心等候，才有大收獲

 

鬆餅

                                        昨天無無聊聊去超市行吓

                                         見到Ｄ鬆餅粉做 promote

                                           便買佐一盒回家試試     

         

                                                   自從我老公退休後

                                             三点到四点佢就想揾嘢食

                                                    所以試吓好唔好味

        

                                                      好方便用水開粉即煎便可   

                                                      不過我第一次做唔係好靚

                                                              但味道都唔錯

                                                   我老公加上花生醬佢話重好味

                                                         買佐一包粉又有排玩

魚類

                            昨午無聊便和老公去城市廣場飲下午茶

                        然後周維行吓去到一田見Ｄ三文魚賣13.8元100克，

                              如一斤要82.元，稔住行完街轉頭才買

                        便去商務書局行了一會，想買個3Ｍ碎紙機

                                 但沒減價，便等下次減價才買，

                            又去百佳超市行吓，發現百佳也有三文魚賣

                                 同一田果Ｄ一模一樣做減價賣62元一斤.

                                             便買佐三件共87.3元好抵呀！

        

                                            要用油慢火煎香好好味

             

          

                                           今晚重有西蘭花炒肉片

                                     煲佐蓮子芡實淮山龍眼肉密棗豬展湯

早餐（2）

                                    近來天氣轉涼，每天都不想起牀，

                                           每天早餐不知想吃什麽

                                               有時去麥當奴吃早餐，

                                           但我又不想吃薯餅同飲咖啡

                                         去飲早茶Ｄ點心又太肥

                                          我老公又唔喜歡飲早茶

                                   今天  我在超市發現有生麵  便 買了幾包回來試吓

                                       將麵煑好加湯包再加麻油好好味

                                               吃時熱騰騰的有好暖感覺  

                                                           又方便

                                                                                                                                                                     

                                                                                       

                        

                                                 麻油幾好味

          

健康食品

                             昨晚同老公去城市廣場晚飯，順便同維行吓

                                 去價真棧買佐４包榛果山药意仁粉

                                 同黑芝麻粉，用來放在麥片一同吃

                         每次用一小包榛果山藥意仁粉 和二湯匙黑芝 麻粉

                                                  好味又有益

                          又可以用200c.c熱水，冲調當飲品，好方便

         

                                                 

         

                            又去citysuper 買佐5包饅頭，同一Ｄ零食便回家        

                            

澳門手信

                       星期六約佐Ｄ仔女飲茶，個女上星期同朋友去澳門

                            帶佐手信俾我，有四盒咀香園杏仁餅，

                               二包鉅記花生糖， 鳳凰卷同蛋散

                                   睇電視新聞講話賭場好小人去

                           但我女晨早九点到碼頭，要 11点幾才有船去澳門

                                碼頭擠滿人好熱鬧呀，但星期一都咁多人去

                                              睇嚟市况都唔係咁差喎

           

         

          

         

           

美味食品

                                  今早去買餸都想唔到煑什麼

                                  便行入大昌食品、見佢有鴨胸特價

                                   買 2包28元，有大昌咭95折26.6元

                                   便買佐二包回家‧切片炒椰菜

                                   好好味，Ｄ鴨胸好腍    

                 

 

 

                                 

饅頭

                             昨晚同老公去城市廣場晚飯，順便同圍行吓，

                             去citysuper 行吓，買佐對crocs鞋原價238元

                              我有citysuper咭有九折214元幾抵，穿上去好舒服

 

                        

                 又買佐5包饅頭，呢隻饅頭好好吃，係全麥，台灣出品

                  係急凍無防腐劑，好好多，16元有6個

                  citysuper 咭95折，吃二個都好飽了   

               

面部保濕

            近日天氣乾燥，個面好乾咁，星期曰便自己做佐個水份面膜，

            未做前皮膚暗啞，  造 完後覺得個面皮膚好有彈力，

             呢隻面膜好好用，係香港買好貴，但我女係美國訂購平好多， 

            我用佐好多年，我同我個女都覺得好好用，女士們試吓啦，

            我女介紹俾Ｄ同事，佢地係香港買來試，都話好好，

             跟住就上網訂購

         

新希望

個市大跌後連升三天，已升佐3仟幾点，

跌市時分二次買得小量貨，在前日下午出佐一半有賺的，

餘下一半剛到價，所以未有沽出

稔住個市會調整，点知重企係高位，

又要耐心等候調整才買貨，今次可能又會回試低位，

今次再有低位，一定要買多一点作長線投資，

我較喜歡銀行股，今日我看見幾間大行報告，

評隻中銀好差，話下季派息會小，隻中銀大市升三日佢都趺，

計起高位24個幾跌到昨天收市8.58己好吸引，佢上市價都8.1

如再調整我會買入作長線。

電腦又唔妥

上個禮拜我仔同我整佐二日電腦，到星期一又好似唔妥咁，

總係有時関唔到網頁，便打電話俾我個女，〈因佢話佢係電腦小神童〉

問佢点解會咁，佢話要考試，要下星期才回來幫我整，咁為有等啦，

希望佢能夠幫我攪掂啦！唔駛咁煩

星期六

今個星期六我兩個仔女都好忙‧所以中午都冇去飲茶、我同老公去佐城市廣場，吃快餐，之後周圍行‧去佐 estee lauder 買面霜，佢又缺貨，便去佐商務書局，睇佐半個鐘頭書，又買唔到便回家‧準備晚餐

今晚煲佐粟米紅蘿蔔栗子密棗瘦肉湯

炒西蘭花，同煎魚，

飯後甜品係腐竹西米糖水

西米我買佐印尼中粒西米‧好好食一包三元100gr

腐竹加西米好好吃，又滋潤

今日又趺

昨天股市跌千点、下午見991大趺20％‧便在3.27買入，收市3.33有微利，但今早見美國趺5百幾点、唔知開市會跌幾多，看下午會不會回升

每次股市大跌1000点，我都入貨，每次都有收獲，希望今次也有啦。

想換電腦

近排個電腦好似好唔掂，上星期六我仔由中午二点整到ｌ２点，都整唔掂

到星期日，再整到下午四点才攪掂，但都好似麻麻地好，星期日同老公去睇電腦

因為電腦對我好重要，我每天都用來看股票，我上次換呢部電腦，都用唔到二年

就己經唔掂，又要揾過一部。

山本山玄米茶

好長時間無飲山本山綠茶，因香港沒有出售，以前我個女飛日本就買、現時我女好耐無去日本，所以飲完便要等有去日本才買，剛好上個月我仔去福岡旅行，便叫佢替我買20盒回來，（一盒有10個茶包）点知福岡Ｄ小店祇得10盒，太小了，為有下次去才買多点。

係日本買山本山綠茶，同在香港出售，其它日本牌子綠茶分別好大，香港出售日本綠茶唔香無茶味，真係好大分別架。

好開心（２）

今天美股大升936点，香港也升5百幾点，今天早上隻3886最高升到0.028後就回頭

我便在0.026仙沽，下午跌回0.021仙但收市0.024仙，帳面除手續費有9750元賺

見升佐咁多賺佐先算，希望明天再跌回0.02仙樓下，有機會炒多轉

因個市連升二天或會調整，到時才執平貨，會賺得多Ｄ！

好開心

上個禮拜五股市大跌千幾点，所有股票都大跌，我在收市前發覺隻3886大跌50幾％‧由上日收市0.034跌至.0.016成交好大，我便在0.016排入‧到收市做0.015收市，帳面唔見一千，心想星期一開市如跌至0.012再買。

星期一開市己升上.0.017對盤，到開市就直上0.02仙，到收市收0.024仙帳面賺8000元，好開心，睇嚟今早重有得上，因美股大升936点，今日港股也升了，我隻股都重會升。

黑芝麻

每天打開報紙，常常見到女士們想減肥，我也想，但總是事與願違，越減越肥，到現在我已不再想減肥了，祇想控制體重。

我大半年前開始將我飲食習慣改變，早餮吃三文治和飲玄米綠茶，中午我改吃麥片和菜，初期好唔習慣，因我用牛奶沖麥片，因為太稀不太好吃，後來我用臺灣出品榛果山藥意仁粉加黑芝麻粉，放在煑好麥片裏吃，好好味，又好香芝麻味，口感好好，最近我體重已好穩定，腸胃好佐，我發覺我頭髮濃密佐好多，頭髮有光澤，原來係黑芝麻功效，我看書講肥人多數濕重，所以我用山藥意仁粉來去濕，効果好好，大家防試吓，有意想到功效

原來常吃黑芝麻還能增加皮膚彈性

想知

 

前幾個星期‧用開個豆漿機壞佐，這兩星期都去電器店，找一個好用的‧

看見一個捷家伴甜至尊‧唔知好唔好用、但都幾貴要1388元‧唔知有冇人用過、

講俾我知好唔好用

頸肩鬆

幾個星期前我買了個頸肩鬆回來

幾好用又可以按摩大腿和小腿

當你疲倦時特別好用

我每次用來按摩大腿便會睡著

好舒服

迎新禮品

每次去中銀入票轉數，都要排成半個鐘，銀行職員便介紹我，開個理財户口，話唔需要排隊，所以我便開了個中銀理財户口，話息口會加多Ｄ，理財户口放定期三個月，就送你osim手提按摩器一個，又預先批核信用咭一張，二個月簽3000元，三個月後送你kenwood電磁爐和煲，都幾好，前幾天才拿到手提按摩器，同電爐和煲，話手提按摩器價值588元，但係如果要用588元買就唔值‧送呢就ok，至於電爐和煲，我在永安看見477元，都幾抵，都值得開呢個户口。

按摩器

好多人成日想減肥‧用節食方法‧唔去做運動，身體無辨法出汗、所以有大量水份積存在身體，望上去好像肥腫難分，所以要清除體內多餘水份，我用oto腳底按摩器，幫我消除身體多餘水份，

係好好用‧我用了二年幾啦‧它可幫助你收去身體水份‧又可幫你消除腳板疲勞，又可以幫助你唔會失眠，

但要每天都做30分鐘才有效，我自己用後功效明顯。

早餐

我每天早餐吃自已做豆漿‧同在city-supper由台灣來的饅頭‧近來city-supper饅頭缺貨，去了幾次都買唔到，為有改吃其它，想了許多天，也知吃什麽？要有營養又要健康‧最後決定吃麥包加芝士和吞拿魚三文治，再加一杯綠茶，好健康和好有營養，又好好味。

早餐對每個人一天好重要‧所以吃早餐要研究吃些什麽，才能使你吸收到一天需要營養。

飲茶

我喜歡飲茶，每天我都飲日本煎茶或玄米綠茶‧我本來飲開日本山本山出品綠茶和玄米茶，都是在日本買回來的，但最近喝完了‧便到日本公司買，但找來找去都沒有山本山出品的，沒辨法便買了幾隻其它日本牌子回來試飲‧好失望總是淡而無味，山本山出品茶包沖二至三次還好香和好有茶味‧但在香港買來的茶包沖一次以無茶味了。

所謂專家

。今午忽然記起大約二‧三個星期前，我早上看財經台時‧有一位觀衆打電話入去問做嘉賓專家（熊麗萍）、問佢3988中行点睇，因為佢係4元買入，中行昨天收市是3.05元、當時個專家叫個觀衆3元止蝕，‧專家話隻中行有次按‧所以前景好差‧但我想個觀衆係4元買入，已跌了四分之一啦，為何還叫他止蝕呢？真想通‧因為中行上市價也祇是2.96元、申請回來成本都要3元啦‧莫非真有一些小股民無法知壞消息。當天我也計劃想入貨‧但聽完之後個心都動搖‧但個心都大相信‧當開市後趺到2.91就回頭、到幾天就上到3.4元，跟著我在經濟日報網頁裹看到，專家（熊麗萍）叫人3.3元買入‧看後真替那位觀眾值，叫佢3元止蝕‧3.3元又叫人買入，到昨天收市時隻中行升到3.78元，還派.1毫子息，個觀眾如真的3元止蝕‧無端端蝕佐幾仟元‧真知個專家怎分析的。

物價飛漲

今午到公司買要吃東西，麥片每包由18元加至22元，芝麻粉由27元加至36元，薏仁粉由32元加至38元，所有食品都飛漲，看新聞話米商還要再加價‧真知道我們這些小市民怎過‧政府無能任由商品合理加價‧知到什麽時候才停止加價，香港市民真有排受。

好滿意

星期日買了部sony Ericsson w380i手提電話回來，覺得好好用，外形好靚紫色的，可以眏相‧有收音機‧有walkman‧又可以上網‧好多功能好好玩‧用了兩三天重覺得好好用，好滿意，好開心‧

年青一代

我發覺所有年青人，都喜歡夜夜才睡，她或他們都知道夜生活對身體有害，抵抗力差，精神都不能集中，脾氣也會暴燥，但總是無法想像她們，為什麽總是這樣堅持，不去改變一下早点睡，早睡早起對皮膚最好、人都靚Ｄ

太平淡

我都好想寫，但日子太平淡都無乜有趣事情可寫，日日如常沒有什麽分別，近來連去行公司都買不到東西，但前天在西田買了個背囊都幾好看，又買了個濾水心，昨晚去行街祗買了10包糖便回家了，幾無聊呀

好忙

每天早上起來第一件事就是看美股升或跌，然後落街買報紙和買餸，回來後又趕著看報紙和上網看財經新聞，然後便看看有沒有心水可炒，前幾天開始覺得建行有波幅可炒，便在開市後留意著，竟然幾天可以走了兩轉賺了幾仟元真幸運，加油

天氣太冷

近月天氣實在太冷，每天都不想起床，見到街裏行人很多都傷風感冒，過年也沒心情到處去玩怕被傳染，