馬拉糕

星期六得閒，又學人整馬拉糕 

都好易整，蒸好後效果都幾好

但好似沒有酒樓咁鬆化

材料
自發粉	80克
吉士粉	20克
蛋	2隻
黃糖	100克
牛油	30克
奶	60毫升

製作
1.	溶牛油 。
2.	將蛋及糖打起至輕身(好似平時煎蛋咁)，加入自發粉及吉士粉 。
3.	加入奶、牛油打勻 。
4.	放混合物於器皿中，隔水大火蒸30~40分鐘。

           

           

                                                           睇見靚唔靚呢  



         

                    食譜來自 為食貓

好失敗

最近開始從新投入我工作  早兩個星期趺市時入佐Ｄ貨

便一直等個市回升啦   才出貨  点知六號那天要陪老公覆診

到中午才回家   便開電腦見我Ｄ股票升佐上去   中午仲回落

便眼光光為有等下次升才 賣  早幾天跌市又再入佐Ｄ貨

今早知美國大升256点  知今早可出貨收銀

唔知係咪個人老佐  還是太久沒操作呢 

 竟然二隻貨出得一隻  以前三四隻一齊都識出

然而未出果隻仲就嚟打回原形添  真失敗

又要再等下午有沒有機會出貨   真係好失敗

減肥

最近我老公體力恢復好多  所以每天都自己四点  就出門去練氣功

到差不多七点才回家  我偷懶幾天不陪他去練氣功  便睡到七時

等他回來我才煑早餐   日日都睡到唔想起床  咁就大件事囉

突然肥佐好多 便決定由星期一起  每天早上五時  我便出門跑上山

到六時半便趕回家  我出門時天還未亮  都有点害怕

以前老公未做手術時  每天我倆都一同去行山  但現時他要做氣功

要到河邊吸新鮮空氣   但河邊平路我行完都無乜作用

所以便自己急步上山   上到半山已成身大汗  再做一輪運動

又急步趕回家  回到家時已由頭濕到落腳  ，  但自己跑上山幾天後，

都覺得有点不放心他一個人，便又繼續4点陪他一同行河邊，回家

一齊吃早餐，  跟著又要到市場買餸每天都好繁忙   希望我好快就

可以減肥   但我老公就好快可以增肥 

菜肉餃

                          今天公眾假期，我老公四点幾就出門到河邊練氣功

                               我兒子五点就出門和女友早機到台北旅行

                               亞女又眼瞓，所以今天中午便不去飲茶

                              早上買了豬肉和小唐菜，餃子皮學包餃子

                                 半斤餃子皮有30隻，两個人吃己太多了

                                     因我第一次包不太似樣，但都好好味

                                   我老公吃了10幾隻，他話菜切得太大粒

                                   冇咁好味，如果菜切幼些會好吃点     

                                我還 煑陽春麵加菜肉餃，下次再包會靚Ｄ